Fundartímar vorsins 2018

 

 

 

 

 

 

 
Skátastarf hefst 8. janúar n.k. Janúar er kynningarmánuðir og mega börnin mæta til okkar og kynna sér starfið án þess að skrá sig þann mánuð.
Drekaskátar: Þriðjudaga kl 17:00 – 18:15

Fálkaskátar: Mánudaga kl 17:00 – 18:30

Dróttskátar: Þriðjudaga kl 19:30 – 21:00

Rekka og Róverskátar: Miðvikudaga kl 19:00 – 22:00

Skráning fer fram hér .

Hlökkum til að sjá ykkur.

Sumardagurinn fyrsti 2017

Auglýsum eftir skólastjóra í Útilífsskólann

Afmæliskvöldvaka 29. mars kl. 18:00

Aðalfundur Árbúa 15. febrúar kl. 19:30

Við minnum á aðalfundinn okkar í kvöld, foreldrar, velunnarar og skátar 16 ára og eldri hjartanlega velkomnir :)

 

Jólafrí

Nú eru skátafundirnir komnir í jólafrí þangað til 9. janúar en þá mæta fálkaskátar til leiks á sínum venjulega tíma og drekaskátar og dróttskátar mæta 10. janúar á sínum tíma. Við vonum að þið hafið það gott yfir hátíðirnar :)
Jólakveðja
Stjórn og foringjar Árbúa

Dagsferð drekaskáta á Akranes

Drekaskáta sveitin okkar fór í mjög vel heppnaða dagsferð síðasta laugardag á Akranes, þar sem þau byrjuðu ferðina á að taka strætó frá Mjóddinni. Þegar þau voru mætt á svæðið var farið í nafnaleik til þess að kynnast drekaskátunum sem tóku á móti þeim. Eftir það var þeim skipt í 5 hópa og fóru í póstaleik sem fjallaði um skátalögin hjálpsamur, glaðvær, traustur og náttúruvinur ásamt fullt af leikjum :) Eftir það fengum allir smá næringu og skelltu sér svo í sund. Við þökkum Skátafelag Akraness fyrir frábæran dag og hlökkum til að fá þau í heimsókn til okkar eftir áramót 😀

       

 

Fálkaskátadagurinn 2016

Skráningu lýkur senn

Nú styttist í að lokað verður fyrir skráningu í Árbúa og hvetjum við því alla sem eiga eftir að skrá sig eða barnið sitt til þess að gera það sem fyrst. Endilega fylgið leiðbeiningunum hér ef þið lendið vandræðum með að skráninguna en að sjálfsögðu er ykkur velkomið að hafa samband ef ekkert gengur upp, sendið póst á arbuar@skatar.is eða komið við á opnunartíma skrifstofu.

Spennandi viðburðir framundan

Nú styttist í marga viðburði hjá félaginu og þá er sko eins gott að vera skráður í félagið svo að maður missi nú ekki af neinu J

Drekaskátarnir ætla að vera með hristing þann 7. október. Hristingur er gistinótt í skátaheimilinu þar sem drekarnir fá æfingu í að fara að gista með hópnum, elda, leika, vinna að ýmis konar verkefnum og hafa það notalegt saman. Mæting er í skátaheimilið kl 18:00 á föstudeginum og lýkur kl. 12:00 að hádegi laugardags. Verð fyrir hristinginn er 500 kr og innifalið í því er allur matur og dagskrá.

Dróttskátarnir ætla að vera með sitt árlega Lan mót þann 8. október í skátaheimilinu. Á þessu móti er verið að spila tölvuleiki eins lengi og hægt er, gista í skátaheimilinu og hafa gaman saman. Verð fyrir Lan mótið er 1.500 kr. og er innifalið í því matur og allt sem tengist neti og tengja saman tölvur.

Helgina 14.-16. október verður svo Félagsútilega Árbúa og er hún ætluð Fálkaskátum og eldri. Farið verður í Skátafell í Skorradal eins og í fyrra og mun kosta 2.000 kr. í hana. Innifalið í því er allur matur, dagskrá og rútuferðir.

Skráningar á alla þessa flottu viðburði fer fram á https://skatar.felog.is/ og lýkur henni fimmtudaginn 6. október fyrir Hristing og Lan mót en 11. október fyrir Félagsútileguna.

Ef það eru einhverjar spurningar endilega sendið okkur línu á arbuar@skatar.is eða komið við / hringið á opnunartíma skrifstofu.