Skátar á aldrinum 7-9 ára nefnast drekaskátar. Í augum barnanna er skátastarfið sannkallað ævintýri, leikir og spennandi verkefni í hópi jafnaldra – þannig á það líka að vera.

Starfið í drekaskátum er því miður ekki í boði núna á haustönn 2021 vegna manneklu 🙁

drekar-utieldun

Drekaskátasveitin Rauðhalar er fyrir börn fædd 2012 til 2014.

Ævintýrið, leikirnir og verkefnin gegna þess vegna mikilvægu hlutverki í skátastarfi 7-9 ára barna, því með þeim kennum við börnunum hjálpsemi og glaðværð, sjálfstæði og tillitssemi, ábyrgð og að bera virðingu fyrir náttúrunni.

Drekaskátafundir eru að jafnaði vikulega, auk þess sem drekaskátar fara reglulega í dagsferðir og styttri leiðangra. Starfsvettvangur þeirra er þéttbýlið, líf í borg og bæ, þeir læra að þekkja umhverfi sitt, hættur í daglegu lífi og rétt viðbrögð við þeim.

Vertu með! Smellið hér til að skrá þig í skátana

Dagskrá haust :

 

Skátarnir eru beðnir um að mæta alltaf klædd eftir veðri enda eru skátar ávallt viðbúnir!

Í hverjum mánuði verður hnútur mánaðarins sem skátarnir læra og þurfa að taka með sér fyrir þann fyrsta fund glæra krukku sem búið er að hreinsa. Krukkuna skreyta krakkarnir yfir starfið og safna í sína krukku þeim hnútum sem við lærum. Endilega endurnýtið t.d. sultukrukkur, fetaostakrukkur eða einhverjar aðrar sem þið eigið, enda er eitt af skátalögunum: Skáti er nýtinn.

Yfir önnina förum við einnig í skátaheitið og þau fjögur skátalög sem drekaskátarnir læra.

Mikilvægar dagsetningar fyrir drekaskátanna eru Sumardagurinn fyrsti og eru drekaskátarnir hvattir til að koma og ganga fremst og leiða skrúðgönguna.
Fyrir áramót er stefnt á að halda hristing en þá fáum við vinasveit okkar í heimsókn frá Álftanesi og við gistum saman í Árbúaheimilinu, eftir áramót förum við svo til þeirra á Álftanes í heimsókn.
Frekari upplýsingar um mót og ferðir koma þegar nær dregur.

Frekari upplýsingar fást hjá arbuar@skatar.is, eins hvetjum við ykkur til að fylgjast með facebook síðu okkar https://www.facebook.com/skatafelagarbuar/

Ath! dagskráin er birt með fyrirvara um breytingar.